29 mars 2010
1
29
/03
/mars
/2010
23:00

Au retour du sec, un coucou chanta.
Le Coquu
Du laid coquu la nature est meschante,
Aussi est-il de tous oyseaux hay ;
Quand le soleil entre en sa force, il chante,
Et lors par luy maint oyseau est trahy ;
Car pour autant qu'il est froid de naissance,
Avoir ne peut de couver la puissance :
Que fait-il donc ? pour briefvement respondre,
Au nid d'autruy subtilement va pondre,
Alors qu'il sent que l'oyseau n'y est point.
O amoureux, respondez sur ce point,
Sera en vous ceste chose louable,
Puis qu'au coquu elle est vituperable.
Guillaume Gueroult
Blason des oyseaux, 1550